Paris Hilton, biznesmenja dhe DJ e cila dikur punësoi Kim Kardashian si stiliste, ka folur për këtë të fundit dhe për familjen Trump në një intervistë për “ES Magazine”. E pyetur për Kim dhe familjen e saj, Paris tha: “E dua Kimin. Jemi shoqe që kur kemi lindur. Jam krenare për të dhe çdo gjë që ajo ka arritur. Familja e saj është e bukur, djaloshi, vajza dhe jam shumë e lumtur për të.”
Një tjetër shoqe fëmijërie e Paris është edhe Ivanka Trump për të cilën thotë që ka kohë që nuk e sheh. Kujtojmë se kur ishte 19 vjeç Paris u bë modele e agjenisisë së Donald Trump. Por në intervistë biznesmenja la të kuptohet se nuk ka votuar për të. “Kush tha që votova për të? E njoh që kur kam qenë e vogël, por s’kam thënë kurrë që do votoj për të”, -thotë Paris.
Paris po jeton prej pak kohësh lidhjen e dashurisë me Chris Zylka për të cilin thotë se është personi i duhur dhe është shumë e dashuruar./revistawho.com
