Lupçe është kthyer në personazhin e javës, ende pa filluar mirë java, e kjo për shkak të nominimit që ai nuk priste.
E thuajse të gjithë inatin e ka me Danjelin, për të cilin ka një hije dyshimi se mund ta ketë nominuar, por kjo nuk është thelbi i inatit të Lupçes.
Ai ndjehet i përdorur nga Danjeli, i cili, sipas Lupçes, ka luajtur pisët dhe ndërsa ishte “vëlla” me të “i lëpihej Olsit e Fiorentinës që të mos e nominojnë”.
Por ndërsa Danjeli e Fotini bisedojnë me pjesën tjetër të banorëve dhe shprehin opinionet e tyre për pjesën e lojës, Lupçe ndërhyn dhe thotë se “fjala vret më shumë se plumbi”- pa i dhënë shpjegime se për çfarë e ka fjalën.
Kuptim që ndoshta Lupçe do t’ia japë në ditët në vijim.
