Fotinia ka treguar edhe më herët në shtëpinë e Big Brother se ka qenë e lidhur me një djalë, i cili është ndarë nga jeta, ndërsa në shtëpi është partnere me Danjelin. Edhe pse janë bashkë prej javësh në Big Brother, Danjeli tashmë e ka mësuar për ndarjen nga jeta të ish-të dashurit të saj. Në një bisedë të gjatë mbi lidhjen e tyre, Fotinia i ka thënë Danjelit se ai i krijon të njëjtën ndjesi sikur edhe ish-i dashuri i saj.
“Keni shumë gjëra të përbashkëta, patatet e skuqura, vdisni për patate të skuqura. Ti më do po njësoj se ai, por mënyra është tjetër. Unë e ndjej sepse jo të gjithë e shikojnë personin, jo të gjithë mund të më duan kështu. Nuk po flas nga ana e përfitimit, qoftë edhe fizik. Nuk ka asnjë moment shpërfillje”, i thotë Fotinia Danjelit.
Ndërkohë, Danjeli i ka thënë se deri tani nuk kishte kuptuar asgjë në lidhje mbi ish-të dashurin e Fotinisë edhe pse ajo i shprehet se e mendonte se ja kishte thënë këtë gjë.
