Në studion e ‘Xing me Errmalin’ është transmetuar surpriza emocionuese që i është bërë bashkëshortes së Dr Florit, Blerina Kondi.
Surpriza ka ndodhur gjatë emisionit të Julka Gramos dhe Arion Muçës në radio “NRG”, e cila shkoi në adresë të Blerinës, e natyrisht edhe dy fëmijëve të saj, Danielit të vogël dhe Kaltrinës. Familja e Dr.Florit ka pasur gjithmonë mbështetjen e kolegëve dhe miqve më të afërt të këngëtarit, të cilët hera herës i kanë surprizuar. Megjithatë, dy vitet pa Florin kanë qenë të vështira për ta.
Blerina përjetoi një moment të veҫantë në radion “NRG”, e cila i bëri një surprizë që e la pa fjalë. Gjatë kohës që dëgjonte mesazhin në radio, Blerina ishte në makinë duke udhëtuar me pastorin Fitor Muça dhe Ermal Mamaqin, që ishte një nga miqtë më të mirë të Florit.
Julka e nisi programin me një letër dedikuar Blerinës, nëpërmjet të cilës rrëfeu historinë e një nëne që humbi bashkëshortin e po rrit e vetme dy fëmijë. Julka e mbylli letrën emocionuese me njoftimin se një biznes privat, më konkretisht “Pajtoni Center” ka vendosur t’i dhurojë asaj 10 mijë euro. Pas këtij njoftimi, ajo i bëri Blerinës një telefonatë dhe i ka komunikuar lajmin e bukur.
Bashkëshortja e këngëtarit të ndjerë u përgjigj e emocionuar dhe e prekur, duke i falënderuar të gjithë për mbështetjen. Ndërsa më vonë, në një postim në rrjetet sociale Blerina publikon një foto, përkrah së cilës shkruan, “Po më marrin me të mirë, pasi më bënë me zemër”. Kjo surprizë ka ndodhur disa ditë më parë, por u transmetua e plotë ditën e sotme në emisionin ‘Xing me Ermalin’./ Xing.al
