Aktorja e njohur turke, Nurgul Yeşilçay, ka nisur një rrugë të re që nuk ka lidhje me aktrimin – business woman. Gylseren, prej disa kohësh po përgatitet për t’u marrë me biznes dhe, siç ka deklaruar edhe më parë për mediat turke, përveç aktrimit, edhe këtë fushë e ka pasion. Shumë vite më parë, si e talentuar edhe në fushën e pikturës, Gylseren-it i shkoi nëpër mend të hapte një biznes aksesorësh të cilat do t’i dizenjonte vetë, shkruan “Class”. Dhe ia ka arritur. Aktorja bukuroshe ka bërë realitet ëndrrën e saj duke krijuar edhe modelet e para të çantave të dizenjuara nga ajo dhe që mbajnë emrin e saj.
Marka e re e çantave
Nurgül Yeşilçay e prezantoi markën e re edhe në profilet e saj sociale, duke i shtuar vetes edhe një profesion të ri përveç aktrimit. Çantat kanë ngjyra e modele të larmishme dhe shumë shpejt do të shpërndahen në të gjitha dyqanet e vendit.
