Kishte një periudhë kur ish-Drejtoresha e Tatimeve, kthehej gati çdo ditë në lajm e komentohej nga fjalimet, tek veshja apo mënyra se si i mbante flokët. Por me largimin nga detyra duket se vëmendja ndaj Briseida Shehajt është zbehur, edhe për shkak se daljet e saj publike janë më të rralla. Një detaj që është përfolur gjatë për bukuroshen socialiste, është fakti se pavarësisht postit, Briseida zbriti nga takat dhe shfaqej edhe në mbledhjet më të rëndësishme, pa pikë grimi në fytyrë. Duke qenë një vajzë e bukur, ajo këmbënguli që vëmendja të fokusohej tek puna e jo tek pamja. Por “epoka e thjeshtësisë” duket se mori fund. Briseida është rikthyer në vajzën super seksi e madje “rock”, veshur e krehur bukur e sigurisht mbi taka. “Express” ka realizuar disa foto teksa biondja e bukur priste për t’u futur në Pallatin e Kongreseve, ku mbrëmë u mbajt koncerti “Tre Musketjerët” nga trishja e suksesshme e artistëve Aleksandër Gjoka, Elton Deda dhe Redon Makashi.
