Sapo bie zilja e mëngjesit një pjesë e konsiderueshme e popullatës në të gjithë botën fillojnë t’i hedhin një sy, postës elektronike, WhatsApp – it, apo rrjeteve sociale ende pa u ngritur nga shtrati. Nga ai moment e përgjatë gjithë ditës telefoni na shoqëron, kudo, në tualet, tavolinë, punë dhe sërish në krevat. Por kur është momenti për të filluar nje dietë dixhtale? Ndiqni këshillat si më poshtë.
Mbani larg dhomës se gjumit telefonin.
Sipas psikologëve që ndihmojnë ndaj varësive, të arredosh një dhomë me sa më pak tundime është mënyra më e mirë për të mos rënë preh. Kështu që darkave sugjerohet që telefonin ta vendosni në një ambjent tjetër dhe mund ta merrni sërish pasi keni mbaruar.
Hyr online vetëm atëherë, kur duhet vërtetë.
Të gjithë jemi të vetëdijshëm se telefoni gjithmonë me vete, është tundim për të lundruar edhe kur nuk kemi diçka konkrete për të parë apo komunikuar. Shpesh herë varësia për të fotografuar dhe demostruar më pas gjithçka që ne bëjmë e kthen jetën tonë në më pak cilësore. Nuk është nevojshme që të fotografojmë çdo moment të ditës e ndarë më të tjerët pa e shijuar vërtetë atë.
Njoftimet në telefon
Njeriu është një qënie racionale, por kush zhvillon teknologjinë e di mirë se vedimet të cilat ne marrim janë të influencuara nga emocionet. Kur na vjen një njoftim kuptojmë sa të varur jemi nga to sepse nxitojmë të shohim se për çfarë bëhet fjalë, duke harruar se shpërqëndrohemi nga çdo gjë tjetër që jemi duke bërë. Kështu që e këshillueshme është që të çaktivizoni njoftimet të paktën kur jeni duke u marrë me gjëra apo takime të rëndësishme. Kështu do të punoni më mirë, dëgjoni më shumë fëmijët tuaj dhe pse jo shijoni një film në paqe.
Mbroje kohën tënde
Po të llogarisësh kohën që harxhojmë në median sociale pa frikë mund të themi se mund të kishim lexuar 200 libra në vit. Në rastet kur nuk ndjemi mirë, lundrimi në internet intensifikohet. Të mbash një ditar me frekuencën e kaluar në rrjetet sociale është hapi i parë që të ndihmon të reflektosh mbi situatën. Mund të përdorni aplikacionet ‘Rescue Time’ për PC, Mac dhe Android dhe iPhone dhe iPad ‘iPad moment’.
Filtro lajmet që të nevojiten
Ata që kuptojnë më shumë nga teknologjia e dinë se mund të mbajnë një arkiv me informacione apo lajme që mund t’i lexojnë në një moment të dytë. Përfitoni edhe ju nga ky mirë -menaxhin dhe do t’u rezultojë se informacioni që merrni do të jetë më i frtyshëm se më parë.
