Prej dy ditësh Majlinda Zeka, ka sjellë në jetë fëmijën e saj të parë, që për baba ka reperin e famshëm Majk. Ata janë të ndarë prej disa kohësh edhe pse pak ditë më parë Majk dha disa shenja të bashkimit të tyre. Megjithatë pavarësisht problemeve në marrëdhënien e tyre, Majlinda po shijon ditët e para të mëmësisë duke publikuar çdo ditë imazhe të foshnjës. Në rrjetin social ‘Instagram’, ajo ka postuar së fundmi një kolazh me foto të sajat dhe të Roanit të vogël, të cilave i ka shtuar edhe disa fjalë: “Unë thjesht nuk ‘ngopem’ dot me djalin tim të vogël Roan. Ai e bën dashurinë më të fortë, ditët më të shkurtra, netët më gjata, shtëpinë më të lumtur, të kaluarën të harruar dhe të ardhmen me vlerë për të jetuar për… 19.05.2017”. Mediat kosovare kanë aluduar se këto fjalë i janë kushtuar Majk, sidomos ato ku flitet për të harruar të shkuarën.
