Lana Del Rey ka kaluar një situatë jo fort të këndshme. Ajo është frikësuar, pasi sipas saj dy fansa me origjinë ruse kishin menduar që ta vrisnin.
Ajo është detyruar që të bëjë denoncim kundër Nataliia Krinitsyna dhe Iuliia Vladimirovna Pozdina, pas frikës se ato do ta vrisnin. Këngëtarja ka deklaruar se dy vajzat e kanë kërcënuar dhe kanë ulërituar kundër saj në vende publike.
30-vjeçarja është shprehur para gjykatës se është detyruar që pas letrave kërcënuese të lërë shtëpinë e saj. Del Ray ka shtuar se dy vajzat janë parë duke fjetur edhe jashtë shtëpisë së saj, duke e thirrur atë në mes të natës.
/Gazeta shqip
