Për ata që punojnë në media, emri i Vjollca Dakos, drejtueses së fondacionit “Dritan Hoxha” është një emër i njohur. Ndonëse ka zgjedhur të ruajë një profil të ulët publik, Vjollca Dako numëron disa projekte të suksesshme në “Top Channel”. Ata që kanë punuar në “Top Media” e njohin edhe më shumë si bashkëpunëtoren e ngushtë të themeluesit të kësaj perandorie, Tanit të Top-it. Ndaj edhe në këtë përkujtimore të tij, 9 vite pas ndarjes nga jeta, Vjollca ka vendosur ta kujtojë përmes një fotomesazhi… “9 vjet më parë, kur përdornim LG dhe thurnim të tjera plane”, – shkruan Dako, krah fotografisë së mesazhit të shkëmbyer me Tanin, në të cilin ai shkruan “më mirë në fakt është kështu”, vetëm një ditë përpara se të ndahej nga jeta. Krahas Vjollcës, edhe shumë personazhe të tjerë të Top Media e kanë kujtuar sot themeluesin vizionar të kësaj kompanie. / revistawho.com
