Bukuroshja e këtij edicioni të “Big Brother” Armela Hyseni, po shikon këto kohë famën dhe vëmendjen. Ajo shihet shpesh në rrjetet sociale por edhe në media apo studio televizive. Në rrëfimin më të fundit për gazetën “Paloma”, Armela shprehet se pikërisht puna në televizion është edhe synimi i saj.
“Dua të filloj punë por unë synoj televizionin dhe skenën. Sezoni i ri fillon në shtator, kështuqë është ende herët të them se çfarë do të bëj konkretisht. Që kur kam qenë e vogël, e ndjeja që i përkisja televizionit dhe anasjelltas. Nuk dua të bëj premtime, thjesht mund t’ju them prisni dhe shikoni”.
Pyetjes së gazetarit nëse do të kishte dashur të ishte në vendin e Fotinisë e te martohej në “Big Brother”, Armela i përgjigj prerë, duke sqaruar se martesa nuk është në planet e saj të afërta.
“Sinqerisht jo. Më duket deri diku vendim i nxituar. Nuk mendoj se jam në moshën e duhur për t’u martuar. Preferoj të arrij pavarësinë time femërore, pastaj mund të ndodhë një martesë e dëshiruar. M’u duk një vendim jo i menduar mirë. Ideja është që aty brenda ti nuk ke stres për punën, për ushqimin apo për familjen, pra nuk ndikohesh nga faktorët e jashtëm. Unë mendoj që fillimisht duhet të shohësh a je i/e aftë të përballosh trysninë nga situatat e përditshme, pastaj mund të konsiderosh martesën. Pavaësisht kësaj, uroj shumë që martesa e tyre të funksionojë./ revistawho.com
