Kompeticioni i bukurisë “Miss Shqipëria” që pritet të mbahet në datë 16 qershor ‘live’ nga kalaja e Tepelenës ka nisur ndërkohë prej disa ditësh turin e përvitshëm të konkurrenteve në qytete të ndryshme shqiptare. Në një prej këtyre vizitave, në Drimadhes, vajzat pjesëmarrëse kanë patur fatin të fotografohen nga Roberto Granatta. Fotografi i njohur ka punuar për revistat prestigjoze si “Vogue”, “Maison” dhe ka fotografuar personazhe të njohura si Carla Fracchi, Ornela Mutti, etj. Me siguri vajzat duhet të ndihen shumë me fat për këtë eksperiencë të vlefshme në jetën e tyre prej modeleje. “Miss Shqipëria” është kompeticioni më jetëgjatë i bukurisë, i organizuar nga çifti i producentëve, Alda Bida dhe Petri Bozo. /revistawho.com
