Rrëfehet Elsamedi: Ja si unë dhe Ambra mashtruam Big Brother

Elsamedi ishte një nga banorët më të përfolur të ‘Big Brother’, pasi me hyrjen e tij trazoi ujërat në shtëpi dhe shkaktoi shumë debate. Të shtunën ai u eleminua dhe ka bërë disa deklarata të forta. Një nga ato ishte se ai dhe Ambra e kanë ‘mashtruar’ ‘Big Brother’, pasi nuk ishin çift i vërtetë. “Ne e kemi mashtruar Big Brother. S’kemi qenë asnjëherë çift. Isha unë që e gjeta Ambrën. Mendova që bukurinë mund ta përdorte në lojë, por të përdorte edhe trurin. Trurin e la te shtëpia, mori bukurinë”, tha Elsamedi. Olti e pyeti edhe nëse ndonjëri nga banorët e dinte që lidhja e tyre ishte fallco. “Dona e dinte pasi me Donën njihem dhe jashtë. Madje gjatë një loje ajo tha se çifti më fallco janë Elsamedi dhe Ambra”, u shpreh ai.