Beyonce ka lindur? Fansat janë të bindur që po!

Në rrjetet sociale po qarkullon lajmi që më në fund diva e muzikës ka sjellë në jetë dy binjakët e saj. Nuk ka akoma një konfirmim zyrtar nga ana e çiftit, ama fansat prej ditësh kanë nisur spekulimet. Sipas tyre në spitalin e Los Angeles siguria është shtuar dyfish dhe kujdestaret e fëmijëve janë parë të transportojnë drejt qendrës spitalore dy mbajtëse fëmijësh. Me një përllogaritje të vogël mund të kuptojmë që brenda këtyre ditëve Beyonce mund të lindë dhe bazuar në spekulimet e fansave, hedhim idenë që kjo mund të ketë ndodhur. Burime brenda shtëpisë tregojnë që çifti sapo ka zgjeruar familjen e tyre, por për momentin asgjë nuk është konkrete. Në pritje të një deklarate zyrtare nga ana e Jay Z dhe Beyonce nuk na mbetet asgjë tjetër veçse t’ju urojmë “jetë të gjatë” binjakëve./revistawho.com