Në moshën 27-vjeçare kishin vendosur të nisnin bashkë një jetë të re në Londër, duke zgjedhur apartamentin në katet e larta të pallatit popullor “Grenfell Tower”. Marco Gottardi dhe Gloria Trevisan të dy arkitektë, prej tri muajsh jetonin atje. Prej natës së kaluar ata humbën, pas incidentit të tmerrshëm që përfshiu nga flakët grataçelën.
Të dy e adhuronin Londrën dhe shtëpinë e tyre të re.
Pas tragjedisë, fotoja “natën e mirë Londër” publikuar nga Gloria në Instagram po bën xhiron e rrjetit. Aty duket dritarja e shtëpisë dhe dy karrige, me pamjen nga dritat e qytetit. Dy të rinjtë ishin njohur në Universitet dhe u diplomuan me rezultate të shkëlqyera. Ata punonin të dy në studio të ndryshme arkitekture. Kishin në plan që në Londër të qëndronin për ca kohë. Ëndrra e tyre me sa duket u shua në katin e 23-të.
Sipas autoriteteve nuk ka më shpresa për të mbijetuar e se të dhënat përfundimtare do të dalin ditë më vonë. Është e vështirë pasi kulla është e rrezikshme e nuk mund t’i afrohesh. Dy të rinjtë kanë qenë në shtëpi në momentin e zjarrit, pasi kanë bërë edhe telefonatat e fundit me familjarët e tyre./ revistawho.com
