Bionde, sensuale, shumë e bukur! Kjo është Nicole Kidman! E lindur në Honolulu në 20 qershor të vitit 1967 ajo ka tipare tipike skoceze, irlandeze e angleze, që e bëjnë të duket hyjneshë.
Skena e ka bërë për vete përjetësisht. Kur ishte vajzë studionte kërcim e recitim.
“Kam nisur të recitoj (aktroj) shumë herët, në moshën 14 vjeçare. Sot jam 50 vjeçe dhe është shumë bukur të kesh energjinë e nevojshme për të ndërmarrë sfida të reja”, tha ajo sot për gazetarët.
Në vitin 1989 erdhi rasti i saj i artë me trilerin “Dead Calm” e menjëherë ra në sy potenciali që kishte.
Nicole Kidman hyri në zemrat e miliona fansave falë talentin por edhe jetës private në dukje perfekte: martesa prej përralle me të bukurin Tom Cruise që bëri të ëndërrojë këdo, të paktën deri në lajmin e divorcit në vitin 2001.
Por një dashuri e re, martesa me këngëtarin Keith Urban nga i cili ka dy vajza Sunday Rose dhe Faith Margaret, shënoi një rifillim të lumtur. Në punë ajo kurrë nuk ka ndaluar. Pikërisht në këtë 50 vjetor ajo është me një kandidatuë të re për “Oscar”. Një gjysmë shekulli me sukses e gjysma tjetër akoma për t’u shkruar./ revistawho.com
