Delinda Zhupa është kthyer në një nga personazhet më të dashur në ‘Portokalli’, për shkak të rolit të saj të famshëm si Drejtoresha e Tatimeve.
E përveç suksesit të madh që po jeton në karrierën e saj, aktorja e humorit, po jeton ditë të bukura edhe në dashuri.
Eldo Disha është djali që sjell buzëqeshjen në fytyrën e Delindës, me të cilin është njohur në Universitetin e Arteve, ku kanë studiuar të dy.
Në një intervistë të dhënë së fundmi për suplementin “Panorama”, Delinda tregon se po shijon një marrëdhënie të qetë, me shumë përkushtim, respekt dhe dashuri. Aktorja gjithashtu ka folur edhe për planet e saj martesore duke treguar se do dëshironte që dashurinë e saj ta kurorëzonte në vitin 2016, edhe pse mund të jetë shumë shpejt.
