Ato janë dy supermodelet që po përjetojnë ëndrrën amerikane. Bëhet fjalë për Adrola Dushin dhe Xhesika Berberin, dy shoqe të ngushta që prej disa kohësh janë zhvendosur në SHBA për të çuar karrierën e tyre në një nivel tjetër. Nga postimet e vajzave u pa që ato po udhëtonin me tren drejt një shteti tjetër të Amerikës ndoshta për një fushatë modelingu. Por një incident i vogël ndodhi. Në momentin që Xhesika ulet të lidhë atletet nuk vunë re që pasagjerët ishin larguar dhe si pasojë vajzat kanë ngecur brenda. Është dashur ndihma e stafit të linjës që ato të dilnin shëndoshë e mirë brenda pak minutash. Nuk kanë munguar Instastoryt e mbushura plot humor e të qeshura nga ana e tyre. Lum ato për njëra-tjetrën, mund të themi se janë dy nga vajzat më simpatike të kopertinave.
