Ditën e sotme mediat kosovare raportuan për një lidhje të re dashurie të këngëtarit Majk. Lajmi mori shkas pasi këngëtari u pa në një prej lokaleve të Prishtinës në shoqërinë e një vajze. Mirëpo veç kësaj, një tjetër situatë tërhoqi edhe më shumë vemendjen. Sipas portaleve në Kosovë, e pranishme në të njëjtin bar ishte edhe ish- e dashura e Majk, bashkë me djalin e tyre. Madje u raportua se ai e injoroi praninë e tyre. Reperi nxitoi të mohonte gjithçka.
“Jo, nuk është e vërtetë. Vetëm se fotografohem pranë një shoqeje nuk do të thotë se jam në lidhje me të, ose se ajo ishte e dashura ime. Plus që aty ishim me shoqëri, nuk ishim vetëm unë edhe ajo. Unë isha në lokal dhe nuk kam parë askënd, por edhe po të shihja këdo nuk do të ulja kokën para askujt”, tha Majk për “Telegrafin”.
Pas kësaj deklarate ishte radha e Majlindës që të thoshte fjalën e saj. “Gënjeshtar! Ti na pe dhe ule kokën”, shkroi bukuroshja kosovare në Instagram. Kjo është një histori që po tërheq goxha vëmendje publike dhe ndjeshmëria e ndjekësve është e madhe, pasi bëhet fjalë për një baba që nuk i përkushtohet të birit të porsalindur./ revistawho.com
