Luzi Ejlli, i famshëm për publikun shqiptar fillimisht pas pjesëmarrjes në spektaklin e talenteve “Ethet e së premtes”, është lakuar në gazetarinë rozë jo vetëm për vokalin e bukur. Përtej muzikës, Ejlli ka tërhequr vëmendje edhe me historinë e tij të dashurisë me vajzën e ish-deputetes së Partisë Demokratike Jozefina Topalli. Megi dhe Luizi ishin (ndoshta vazhdojnë të jenë) çifti serioz që “puçi-puçi”-t në publik nuk i kanë preferuar kurrë. Ndoshta pikërisht dëshira e tyre për të mbajtur gjithçka për vete po shkakton edhe dyshime të mëdha mbi vazhdimësinë e kësaj historie sot. “Gazeta Express” ka bërë një hulumtim të thjeshtë, duke monitoruar rrjetet e tyre sociale Facebook dhe Instagram. Asnjë gjurmë të njëri-tjetrit! As miqësi, as foto, as video, as komente, asgjë… Të jenë ndarë vallë?
