Gjiko, një nga reperat më të njohur të showbiz-it shqiptar prej disa javësh po shijon suksesin e këngës “Faje” të sapo publikuar në treg. Por fati mesa duket nuk i ka buzëqeshur vetëm në karrierë. Prej disa kohësh ai është në një marrëdhënie me Elita Rudin, një nga moderatoret më simpatike në Kosovë që drejton emisionin “Elite Show”. Lidhja e tyre u mbajt e fshehtë larg syve të medias, pavarësisht spekulimeve të ndryshme. Por të gjitha dyshimet u qartësuan kur dyshja u shfaq në rrjetet sociale përkrah njëri-tjetrit duke vulosur një histori dashurie që kishte nisur. Tashmë ata gjenden në Santorini, ku po kalojnë pushimet e para së bashku. Elita ka ditëlindjen me 28 qershor dhe ky udhëtim është një nga dhuratat e shumta që Gjiko mund të ketë përgatitur për të./ revistawho.com
