Kamera e programit të Eraldo Rexhos “Lart e Poshtë”, xhiroi këtë javë në shtëpinë e këngëtarit të suksesshëm të muzikës popullore Sinan Hoxha. Ata jetojnë në një apartament të arreduar bukur, në zonën e Bllokut në Tiranë. Nuk dimë se si ka qenë jeta e çiftit para ardhjes në jetë të djalit të tyre Ansi, por e bukura Andrra tregon se tani gjithçka ka ndryshuar. Sinani shprehet se aq shumë Andrra i është përkushtuar të birit, sa i ndodh të bëhet edhe xheloz.
“Gjithçka është Ansi! Na ka lënë mbas dore gruaja, se e ka mendjen te djali. Unë ndonjëherë bëhem xheloz se vëmendja është më shumë tek djali se tek unë”, thotë duke qeshur Sinani.
Por për Andrrën, Ansi vjen para të gjithëve!
“Sigurisht që ardhja e Ansit jetën tonë e ka ndryshuar tërësisht. Eshtë një ndjenjë shumë e mirë, motivi jonë i jetës. Ne zgjohemi të qeshur në mëngjes. Ka ndryshuar gjithçka. Ne merremi tani vetëm me Ansin, koha jonë është për të. Gjithçka është Ansi”, tregon Andrra.
Më tej çifti shprehen se dita kur do t’i dhurojnë të birit një vëlla ose një motër, nuk do të jetë shumë e largët.
“Patjetër që po! Të jetë ç’të jetë, do ia bëjmë një motër ose një vëlla, me kismet të Zotit”, pranon Andrra.
Mendim që e përforcon edhe artisti, i cili ngacmon Andrrën duke i thënë se nuk e dinte që e donte kaq shpejt një fëmijë tjetër.
“Sigurisht! Nuk e lëmë djalin vetëm, s’ka shanse!”/ revistawho.com
https://www.youtube.com/watch?v=dtOrlz8tOxA&feature=youtu.be
