4 korriku qenka ditë ditëlindjesh VIP. Kujtojmë se sot feston edhe Kryeministri i Shqipërisë Edi Rama, por ndërkohë edhe e gjithë Amerika celebron ditën e Pavarësisë. Gjithashtu si sot 10 vite më parë, erdhi në jetë një vogëlush që solli gëzim të madh në një familje vajzash. Pas tri motrash, Zoti bekoi familjen Hoxha me trashëgimtarin Itan. Djali i vetëm i gjeniut të ndjerë të medias shqiptare Dritan Hoxha, ka marrë sot dedikime përmes të cilave ne mund të shohim edhe se sa është rritur ai. “Ti je një nga gëzimet e mia më të mëdha. Të dua, 10-vjeçari im”, shkruan e motra Sara duke përcjellë edhe disa momente shumë speciale më vëllain e vogël. Një urim publik Itani ka marrë edhe nga zv/ Drejtori i Përgjithshëm i “Top Channel” Erion Ylli: “Itani po rritet. Edhe 100! Gjithmonë përkrah”. Një urim të tretë publik po ia bëjmë edhe ne. Gëzuar ditëlindjen Itan! Mezi presim të të shohim të rritesh e të shkëlqesh po aq sa babai yt!/ revistawho.com
