Në muajin prill, Lorik Cana bëri të ditur për mediat shqiptare se ai dhe bashkëshortja e tij, Monika, presin të bëhen prindër, shkruan Prive.al. Gjatë intervistës kur dha lajmin, kapiteni i Kombëtares shqiptare u shpreh me shaka se shpresonte që foshnja të mos vinte në jetë në ditën e ndeshjes me Serbinë. Duket se ajo nga çfarë druhej Loriku, mund të ndodhë me të vërtetë. Sipas mediave kosovare Monika pritet të lindë pritet mes datës 7 e 8 tetor, pikërisht kur në “Elbasan Arena” do të zhvillohet ndeshja kualifikuese për Euro 2016. Nëse gjithçka shkon sipas pritshmërive të doktorëve, Cana me gjasë edhe në momentin kur do të bëhet baba i një djali, për herë të parë, do të jetë në shërbim të Kombëtares dhe larg familjes.
Discussion about this post