Tre persona janë mbytur në zonën e Portonovës, në plazhin e Zvërnecit. Dy nga personat e mbytur janë femra, tjetri mashkull. Viktimat i përkasin moshës nga 20 deri në 30 vjeç.
Ngjarja mësohet se ka ndodhur rreth orës 2 e 30. Të tre trupat e të mbyturve janë nxjerrë nga deti. Viktimat janë dy vajza nga Vlora dhe një djalë nga Maqedonia.Dy vajzat kishin lidhje familjare me njëra-tjetrën.
Sipas të dhënave paraprake mësohet djali kishte hyrë në det për të ndihmuar vajzat por ngjarja ka rezultuar fatale për të tre.
Ndërsa në herët në Vlorë është mbytur dhe një 14- vjeçar.
Njoftimi i policise
Vlorë
Informacion paraprak
Policia:
Më datë 16.07.2017, rreth orës 14:30, është marrë njoftimi paraprak se në plazhin e Zvërnecit po rrezikoheshim të mbyteshin në ujë 2 shtetas.
Menjëherë shërbimet e policisë kufitare dhe ato vendore janë nisur në afërsi të vendit të ngjarjes pranë zonës së Portonovës, me ndihmën e mjeteve lundruese në ndihmë të personave por nuk është bërë i mundur shpëtimi i tyre.
Si pasojë, janë mbytur 3 shtetas: dy shtetase të seksit – femër dhe një tjetër i seksit – mashkull.
Policia ka bërë të mundur nxjerrjen nga uji të tre trupave të shtetasve të mbytur.
Po punon për identitetet e tyre të plota.
Grupi hetimor ndodhet në vendngjarje duke kryer hetimet në lidhje me përcaktimin e shkaqeve dhe sqarimin e rrethamave të ngjarjes.
