Ky është një nga ato lajme, me disa lajme brenda, ndër të preferuarit tanë. Dhe kjo ndodh zakonisht kur personazhi i ruan fort detajet e jetës private, dhe kur merren vesh zbulohen të gjitha përnjëherë. Sot po iu njoftojmë se vajza më simpatike e “Top Media”, ajo me zërin e ëmbël e të qeshurën e bukur, ka gjetur dashurinë e jetës e së shpejti do të bëhet “mami”. Elona Duro është shtatzënë! Prezantuese ndër vite e disa programeve në “Top Channel”, “Top Albania Radio”, “Digitalb” e “Super Sport”, vëmendjen e më vonë edhe zemrën e Elonës e mori djaloshi që shihni në foto. Ai quhet Lorenc Goga, dhe është sipërmarrës me aktivitet brenda dhe jashtë Shqipërisë. “revistawho.com” ka mësuar se javën e ardhshme ata do të celebrohen e pastaj i mbetet vetëm të dashurohen e të presin bebushin e tyre të parë. E kanë djalë! Një çift shumë i bukur, që ne i japim sot urimet tona më të përzemërta./ revistawho.com
