Valët e nxehtit afrikan që kanë përfshirë Ballkanin do të ndikojnë të njëjtat kushte atmosferike edhe në vendin tonë, për pasojë moti i kthjellët dhe temperaturat e larta do të jenë prezent. Gjate orëve të mesditës do të shfaqen kalime vranësirash lehta në zonat Lindore.
Orët e pasdites duke përfshirë mbrëmjen vijon moti i kthjellët në bregdet dhe zonat e ulëta ndërsa me kthjellime dhe vranësira të lehta paraqitet moti për zonat malore, më të theksuar në Juglindje të territorit.
Sipas MeteoAlb, temperaturat e ajrit do mbeten të larta edhe gjatë ditës së mërkurë. Era do të fryjë e lehtë dhe mesatare me shpejtësi 28 km/h nga drejtimi perëndimor- veriperëndimi duke bërë që në brigje, Adriatik- Jon të gjenerohet dallgëzim 2 ballë.
Europa
Masat ajrore të thata e të nxehta me origjine Afrikane do të fuqizojnë ndikimin e tyre në Mesdheun Lindor dhe Ballkan duke bërë që moti të jetë i kthjellet dhe temperatura ekstremisht të larta.
Po ashtu, me kthjellime dhe vranësira të herë pas hershme paraqiten kushtet e motit në Europën Qendrore. Ndërsa ishujt britanike, rajoni i Balltikut si edhe Europa Veriore mbeten me vranësira dhe shira, herë pas here intensive duke rrezikuar përmbytje në këto rajone të Europës./noa.al/
