Ditën e sotme qarkulloi në internet një video (të cilen e gjeni më poshtë) ku shihen një grup të rinjsh në sherr e sipër. Ngjarja ndodhi në plazhin e Dhërmiut e u tha se pjesë e sherrit ishte edhe aktori i njohur i “Portokalli”-së Gaz Paja. Mirëpo duke folur për “Panoramën”, aktori dha një tjetër version, duke zbuluar edhe se në Dhërmi ka ngritur një biznes të tijin.
“U zunë dy grupe me njëri-tjetrin dhe unë u gjenda aty dhe i ndava, kaq. Nuk më kanë shoqëruar në polici, siç shihet edhe në video unë iki. Unë u futa që i ndava grupet. Mirësinë time e kanë shfrytëzuar”, shprehet aktori ndërkohë që konfirmon se sherri ka ndodhur për një motor uji. Unë kam një biznes këtu në Dhërmi, dhe i pashë nga tarraca e biznesit tim, dhe duke qenë se i njihja të dyja grupet shmanga një idiotësi”, tha ai.
https://youtu.be/iO0Q5QtqYu8
