Koreografja Riselda Sejdija me sa duket nuk di të ndalet! Pedagogia e Akademisë së Arteve ka ditë që ndodhet në New York për të kaluar pushimet me bashkëshortin. Por edhe atje, Sejdija nuk heq dorë nga baleti, pasi ka ditë që trajnohet në “Broadway Dance Center”. E kush nga ne ndërpret ditët e pushimit në mes të gushtit, për të bërë trajnime intensive fizike? Shumë e apasionuar, Riselda e merr me vete baletin kudo. Ajo ka publikuar në rrjetet sociale imazhet nga “pushimet me punë”. Megjithatë Riselda nuk e llogarit lodhjen, ajo po shijon shumë gjithçka. “E kam pasur ëndërr në fakt të realizoja një workshop në Broadway! Ndihem e pasur artistikisht dhe mezi pres që këtë pasuri dhe eksperiencë frytdhënëse ta ndaj menjëherë me studentët e Universitetit të Arteve sapo të startoj viti i ri akademik 2017-2018”, shkruan ndër të tjera Sejdija./ revistawho.com
