Pas një sistemi vranësirash që ka përfshirë në orët e vona të mbrëmjes së të dielës dhe orët e para të hënës pjesën më të madhe të territorit, moti pritet të ndryshojë sërish gjatë kësaj jave. Sipas parashikimit të Meteoalb, pas stuhisë, edhe përgjatë kësaj jave në vend do të mbizotërojë mot kryesisht i kthjellët me rënie temperaturash deri në me 5 – 6°C, vlerë e cila do të jetë më e ndjeshme në vlerat e mesditës.
Të martën, moti i kthjellët dominon pjesën më të madhe të vendit deri në mesditë kur do të ketë vranësira kalimtare, kryesisht në zonat malore. Pjesa e dytë e ditës mbetet me kthjellime në bregdet dhe zonat e ulëta, ndërsa në lindje dhe verilindje do të ketë edhe vranësira kalimtare.
Temperaturat e ajrit do të pësojnë një rënie të lehtë në të dy vlerat ekstreme ditore, ndërsa era do fryjë mesatare me shpejtësi deri 37 km/h nga drejtimi verior – veriperëndimor duke gjeneruar në brigjet detare dallgëzim 2 – 3 ballë.
Duke nisur që nga dita e martë, ruhet thuajse konstante fusha termike, ndërsa gjatë periudhës e mërkurë – e premte, do të ketë rritje të lehta dhe graduale deri në 36°C, që parashikohet të jetë ditën e premte.
Kështu, sipas parashikimeve, nuk ka asnjë rrezik për pushuesit. Edhe ditët e fundit të gushtit do të dominohen nga temperatura të larta.
Class
