Gjithmonë sezonet e reja televizive sjellin ndryshime. Ca ikin, ca vijnë, ca kalojnë nga një televizion në tjetrin dhe na duhet pak kohë sa të mësohemi. Por me idenë që nuk do të shohim më Reis Çiçon në edicionin e lajmeve të orës 19.30, do ta kemi të vështirë të mësohemi. Një foto e Drini Zeqos në Instastory ku thoshte se edicionin qendror të lajmeve në TV Klan do ta drejtonte ai, na bëri të interesoheshim pranë këtij televizioni ku mësuam se Rei siç e thërrasin të gjithë, do të largohet. Një prej gazetarëve më të vjetër në ekran, që prej vitit 1992 kur ka dhënë edicionin e parë të lajmeve, e deri më sot, Reisin e kemi parë gjithmonë aty dhe do të na mungojë,sidomos gjesti i tij tipik i vendosjes së stilolapsit në xhep në fund të edicionit informativ te ores 19.30./ tiranapost.al
