Quhet “Betty-go-slow” (Bety ec ngadalë) dhe është një manikin seksi i krijuar enkas për të ulur shpejtësinë e automjeteve në një kryqëzim. Funksionon shumë mirë për të hutuar shoferët që ngadalësojnë për ta parë. Idea është e një banoreje të Aston Ingham në Herefordshire, në Angli. Julia Akew, 59 vjeçe ishte e lodhur nga shpejtësia e madhe me të cilën makinat kalonin në lagjen e saj, ku mungon sinjalistika. Kështu ajo mendoi për një manikin që me veshje provokuese të ngadalësonte automjetet. Kukulla, të cilës gruaja ia ndryshon rregullisht veshjet, mban pranë një pankartë ku fton të tregojnë kujdes duke respektuar limitin e shpejtësisë deri në 30 km/h. Garderoba e “Betty”-t përfshin minifunde, veshje provokuese e taka të larta, që të duket sa më e besueshme e reale. Por ndodh shpesh që nga dëshira për të parë një grua të bukur në rrugë, frenojnë e madje e bllokojnë trafikun.
Ka pasur edhe nga ata që kanë protestuar duke kërkuar që të hiqet kukulla nga rruga, por gruaja kundërshton. “Në fillim kisha vendosur vetëm pankartën, më pas mendova që një manikin do të ishte më argëtues. E kisha veshur me xhaketë por besoj se me veshje seksi funksionon më mirë. Këtu është një tmerr, nuk e respektojnë limitin. Nuk ka asnjë tabelë e as trotuar. Njerëzit kanë frikë të ecin anës rrugës e marrin makinat edhe për distance të shkurtra. Kam marrë vetëm përgëzime nga njerëzit të cilët përveçse argëtohen por kontrollojnë shpejtësinë”, ka thënë ajo për “Telegraph”./ revistawho.com
