Humb rrugën për në shtëpi me nënën e dehur, 9-vjeçari telefonon 112 dhe kërkon ndihmë

E ëma ishte e dehur dhe ai, vetëm 9 vjeç telefonoi numrin 112. Vogëlushi i ka kërkuar ndihmë policisë sepse kishin mbetur në rrugë dhe e ëma e dehur nuk ishte në gjendje të kthehej bashkë me të në shtëpi. Ngjarja ndodhi 2 ditë më parë në një nga sheshet e qendrës historike në Genova, Itali. Kur fëmija kuptoi se nëna e tij nuk ishte në gjendje të mbahej në këmbë, ai i mori celularin dhe i kërkoi ndihmë numrit të emergjencës. “Më falni, mund të më ndihmoni. Nuk di si të kthehem në shtëpi”, i tha ai me zë të ulët policit nga ana tjetër e linjës. Brenda pak minutave shkuan patrullat dhe mjekët. Pasi konstatuan se gruaja nuk ishte në gjendje të kujdesej për të birin e pasi nuk arritën të gjejnë një të afërm tjetër, efektivën e shtruan vogëlushin në spital pa të ëmën, ndërsa më pas do të transferohet në një komunitet për minorenët. Gruaja ndërkohë rrezikon burgun./ revistawho.com