VIDEO/ Rrëfehet gruaja e Elvis Naçit: Ai sjell mirësi në shtëpinë tonë, përvjetorët i harron gjithmonë por…

Imami i mirënjohur shqiptar Elvis Naçi, ishte i ftuar në programin “n’Kosovë show” për të dhënë një intervistë të gjatë. Por stafi kishte menduar një surprizë për të, duke i dërguar në studio dy femrat më të dashura të jetës së tij, bashkëshorten Fatma dhe vajzën. Naçi u emocionua dhe tha se nuk e priste. Më vonë ai foli për raportin në çift dhe tregoi se të dy duhen shumë dhe se ndjenjat e tyre nuk janë zbehur me kalimin e viteve. Ai tha se edhe për vetë natyrën femërore, Fatma është ajo që e shpreh dashurinë më tepër. Ndërkaq imami iu përgjigj me humor por dhe me zgjuarsi pyetjes së famshme se pse muslimanët mund të marrin 7 gra. “Ne të sotmit, po qemë për një jemi mirë”, tha ai.
Drejtuesi i programit e pyeti bashkëshorten e Naçit, nëse ai është vërtetë aq i dashuruar e i lumtur me të, siç shfaqet në ligjërata.
“Do t’iu them një gjë shumë të vogël. Sa herë që ai vjen në shtëpi, edhe fëmijët edhe unë, bëhemi gati ta presim se e dimë që vjen një mirësi në shtëpinë tonë. Ai na kënaq, na sjell buzëqeshjen, gjithmonë ka ose ndonjë lajm të mirë ose na gëzon me shakatë e ato batutat e veta”.
Ndërsa sa i takon dhuratave për përvjetor, teologu islam nuk ndryshon shumë nga meshkujt e tjerë.
“Me thënë të drejtën si shumica e meshkujve, i harron gjithmonë përvjetoret. Por dhe kjo është gjë e mirë pasi e kompeson gjatë gjithë vitit. Pra për ne nuk ka një ditë festë, por ka 364”.
Në fund zonja Fatma dha edhe një mesazh për të gjitha femrat shqiptare.
“Unë vij nga një familje besimtare. Mundohem të zbatoj urdhëresat e Kur’anit, por sigurisht që bëj edhe gabime se jam njeri e jam gabimtare. Kur shoqet e mia zgjodhën të bëjnë një jetë të shfrenuar vetëm me dëfrim, unë zgjodha të krijoj familje herët, sepse mënyra e tyre e jetesës nuk ka një kuptim e është një kënaqësi që zgjat pak. Sot kur më shohin që unë kam fëmijë e një martesë të suksesshme, më thonë sa mirë je ti. Në fillim e shikoja si sakrificë por tani mendoj se kam bërë mirë. I sugjeroj çdo femre që të zbatojë rregullat e Kur’anit sepse fundi ka për të qenë vetëm i mirë e i lumtur”.
Për më shumë ndiqni videon e mëposhtme./ revistawho.com