Vrau gruan me të cilën kishte ndarë vite të jetës së tij dhe djalin që ajo mbante në bark. Më pas e mori kufomën në makinë dhe kaloi kufirin e një shteti tjetër me shpresën makabre që askush nuk do e gjente më trupin e saj, e se e vërteta nuk do të merrej vesh kurrë. Kjo është një histori e ndodhur në North Carolina, ku Mahmood Bhatti 28 vjeç, vrau të fejuarën e tij 23-vjeçare Natalie Merrick e cila ishte shtatzënë. Sipas të dhënave të policisë e reja është vrarë në shtëpi. Çifti ishin edhe prindër të një vajze dhe prisnin fëmijën e dytë. Ende nuk është zbuluar motivi i vrasjes. Burri që ndodhet nën hetim, e ka mbytur Natalien e më pas trupin e ka hedhur në makinë. Trupi i pajetë është gjetur poshtë një ure matanë kufirit në Fort Mill nga disa kalimtarë. Për ta identifikuar, hetuesit publikuan fotot e tatuazheve të viktimës./ revistawho.com
