Ndërhyrje spektakolare, aktori i famshëm i shpëton jetën kamionistit

Në filmat që interpreton luan shpesh role negative, por Jamie Foxx, ka treguar se në jetën reale është një hero i vërtetë, i gatshëm për të ndihmuar të tjerët. Jamie Foxx ka nxjerrë një burrë nga kamioni në flakë, pak para se mjeti të digjej i gjithi, transmeton “NOA”. Gjithçka ka ndodhur pranë shtëpisë së tij në Karolinën e Jugut, siç tregoi vetë Foxx dhe babai i 32- vjeçarit që shpëtoi. Kamioni përfundoi jashtë rruge dhe më pas në një kanal, duke u rrotulluar disa herë dhe duke marrë zjarr. Aktori dëgjoi përplasjen pranë shtëpisë së tij, telefonoi policinë dhe vrapoi drejt vendit të aksidentit. Së bashku me një ndihmësmjek jashtë shërbimit, theu xhamat e kamionit, preu rripin e sigurimit, dhe nxorën drejtuesin e mjetit, para se ai të përfshihej nga flakët.