Ndarja nga Vin Veli, Bora Zemani na la prapë pa përgjigje

Pak kohë më parë, “revistawho.com” dha lajmin se marrëdhënia e çiftit Bora Zemani – Vin Veli kishte marrë fund. Vetë Bora u përgjigj se ishte lodhur nga këto thashetheme dhe se nuk donte të bënte më asnjë koment. Mirëpo së fundmi në programin “Shiko Kush Luan”, ajo është vënë përballë kësaj pyetjeje nga moderatorja Luana Vjollca. E varur në ajër në mes të skenës, Bora përfitoi dhe arriti t’i bënte bisht pyetjes, duke u përgjigjur: “Ëëëë nuk jam e sigurt këtu lart, më zbrisni poshtë!”- u shpreh Bora e vënë në siklet. “Nuk mund të japësh përgjigje nga aty lart?”- këmbënguli edhe njëherë Luana, por u përball me një “jo” të vendosur nga Zemani. / revistawho.com