Foto nga festa private / “Fiks Fare” feston 15-vjetorin

Është një prej programeve më jetëgjatë dhe më të ndjekur në historinë e televizionit shqiptar. “Fiks Fare”, emisioni që ka qëndruar pas zbardhjes së sa e sa skandaleve dhe që ka zgjidhur shumë problematika, ka festuar mbrëmë 15-vjetorin. Një festë private në të cilën veç protagonistëve të programit, nuk kanë munguar as presidentja e “Top Media” Vjollca Hoxha dhe zv.drejtori i përgjithshëm në “Top Channel” Erion Ylli. Ata shfaqen në foto krah krijuesit të “Fiks Fare”, Filip Çakuli, rrethuar nga ekipi që për vite me radhë kanë bërë histori në programin e dashur të shqiptarëve ku aktualiteti trajtohet përmes satirës. / revistawho.com