Është e ditur tashmë se këngëtari Luiz Ejlli dhe Megi Topalli, vajza e ish-kryetares së Kuvendit Jozefina Topalli, nuk janë më në një marrëdhënie.
Çifti asnjëherë nuk ka pranuar të flasë publikisht në lidhje me këtë çështje, edhe pse ka pasur përpjekje për një deklaratë prej tyre.
Por akulli u thye! Luiz Ejlli, i ftuar sot në “Pasdite në Top Channel” për të prezantuar këngën e tij më të re me të cilën do të konkurrojë në Festivalin e RTSH-së, iu përgjigj edhe pyetjeve për marrëdhënien e tij. “E di si ishte? Si një flluskë sapuni, e cila vjen e fryhet, ngrihet lart, fillon merr ngjyrat e bukura, bëhet një mrekulli atje dhe pastaj shpohet”, – u shpreh këngëtari, që ka përfaqësuar një herë Shqipëri në “Eurosong”.
Këngëtari nuk arriti të shpjegonte arsyet e ndërprerjes së kësaj marrëdhënie, megjithatë ai u shpreh se gjithmonë do të ketë respekt dhe mirënjohje për Megin dhe familjen e saj. I pyetur nëse është ‘single’ apo jo, Luizi tha me humor “Po kush na merr ne?”. / revistawho.com
