Njerëzit që jetojnë deri në 100 vite kanë këto karakteristika të përbashkëta

Nëse doni të jetoni deri në 100 vite duhet të keni parasysh shumë elementë të tjerë përveç dietës ushqimore. Një studim i disa njerëzve që jetonin në një fshat të Italisë zbuloi se ata kishin të njëjtat karakteristika psikologjike duke përfshirë kokëfortësinë dhe elasticitetin. Në këtë studim ata persona që ishin 90-101 vjeç u pyetën në lidhje me migrimin, eksperiencat e tyre traumatike dhe besimin. Gjithashtu u pyetën edhe pjestarët e rinj të familjeve për mendimet që ata kishin në lidhje me antarët në moshë të madhe të familjes. Të rinjtë i përshkruanin të vjetrit si njerëz që arrinin të kontrollonin veten, autoritar dhe kokëfortë. Por personat nga 90-101 vjeç ishin edhe shumë elastikë me të tjerët dhe përshtateshin lehtë me ndryshimet. Ata mendojnë se ndryshimet janë jetë dhe të japin mundësinë që të rritesh si person. Personat e pyetur kishin kaluar përvoja aspak të këndshme në jetë si psh: emigrimin, humbjen e një personi të afërt, depresion, prandaj atyre u është dashur të përshtaten me gjërat që nuk munden t’i ndryshojnë ose kanë luftuar fort për gjërat që mund t’i ndryshojnë.
Personat e vjetër kishin dhe disa karakteristika të tjera si pozitivitetin, etikën e fortë të punës, lidhje shumë të forta me familjarët e tyre dhe besimin. Të gjithë këta persona ishin ende aktivë në jetën e tyre, merreshin me punë të ndryshme, duke i dhënë një qëllim jetës. Këta persona janë shumë të lumtur dhe të kënaqur me jetën e tyre dhe kështu arrijnë të luftojnë edhe depresionin. Kjo është e kundërta e asaj që mund të presim kur plakemi dhe kjo do të thotë se plakje nuk do të thotë vetëm trishtim për jetën që kaloi shpejt.
Ka shumë studime për jetëgjatësine e popullatave dhe ka disa vende që quhen “zona blu” ku përfshihet: Italia, Greqia, Japonia, Kosta Rika dhe Kalifornia ku njerëzit në përgjithësi jetojnë më gjatë se në vendet e tjera./revistawho.com