Jemi vetëm disa orë larg momentit kur të gjithë ne do të presim Vitin e Ri 2018 me gotat në duar dhe gati për t’i trokitur gëzuar. Për shumicën e njerëzve ky moment është i shumëpritur, është një mundësi e re për të rifilliuar me më shumë energji poizitive, me më shume vullnet për të përfunduar planet e lëna në mes apo edhe për të filluar ato plane të cilat kanë vite të mbetura thjesht ne letër apo në mëndje. Shumë prej nesh bëjme plane të fillojmë palestrën se na pëlqen shumë trupi i Anxhelina Hadergjonaj, i Dorina Memës, por ama edhe trupi i Kendall Jenner s’do ishte keq apo jo?
Por a e dini se në një studim të tij një psikolog britanik, Richard Wiseman, në vitin 2007 arriti në konluzionin se 80% e njerëzve që bëjnë rezolutën (objektivat) e Vitit të Ri (New Year’s resolution) dështojnë në ekzekutimin e saj. Ai studioi 3000 njerëz për një vit dhe zbuloi se edhe pse 55% prej tyre ishin shumë të sigurt dhe me vetëbesim se do arrinin çdo gjë të cilën kishin vendosur se do realizonin në Vitin e Ri, ato dështuan.
Rezolutat e Vitit të Ri jo gjithmonë kanë të bëjnë me vendime për ndryshime drastike. Gjithashtu ato zakonisht përfshijnë gjëra të tilla si trajtimi me më shumë mirësjellje dhe dashuri i njerëzve që na rrethojnë, të bërit miq të rinj, pagesa e borxheve nga viti i kaluar, etj. Ka qenë kështu gjatë gjithë historisë. Babilonasit do të kthenin objekte të huazuara. Hebrenjtë kërkojnë dhe ofrojnë falje. Skocezët praktikojnë traditën e të hyrit i pari “me këmbën e mbarë” në shtëpinë e fqinjëve për t’ju sjellë atyre mbarësi. Një traditë kjo që edhe në Shqipëri praktikohet në qytete dhe krahina te caktuara. / revistawho.com
