Natën e ndërrimit të viteve, aktroja Jessica Alba dhe bashkëshorti i saj Cash Warren u bën prindër për herë të tretë. Aktorja i lumturoi dy vajzat e saj me një vëlla, të cilin e pagëzoi me emrin Hayes.
Gëzimi i lindjes së një fëmije shoqërohet edhe me preokupime të tjera për nënën, siç janë kilogramët e marra gjatë shtatzënisë, orët e gjata pa gjumë dhe më pak kujdes ndaj vetes e këtu nuk bën përjashtim as ylli i Hollywood-it.
“Një dush i ngrohtë dhe pak make up për t’u ndjerë njeri, jeta e një nëne që sapo ka lindur”, – shkruan Alba në një foto me flokë të lagura publikuar në llogarinë e saj në ‘Instagram’.
Ndërkohë, bebi i sapo ardhur në jetë mesa duket nuk i ka mirë punët me gjumin dhe mami Jessica duhet të zgjohet shumë herë gjatë natës.
”Kafe, sepse zgjohemi çdo 2 orë e 30 min”. – ka shkruar 37-vjeçarja bashkangjitur fotos ku shihet një filxhan i madh me kafe.
Por çfarë diete po ndjek aktorja për të humbur kilogramët e shtuar gjatë shtatzënisë?
“E nisëm ditën me ushqimin që ta sjellin pesë herë në javë, për të ushqyer trupin pas lindjes”, – thuhet në diçiturën e fotos së një libri me titull “arti i të ushqyerit për një nënë të re”.
Pavarësishtë këtyre shqetësimeve të vogla që aktorja mund të jetë duke përjetuar, ajo duket në super formë dhe e bukur si gjithmonë. / revistawho.com
