Mediat nxjerrin foton e Ina Zhupës me Veliajn. Ish-zëdhënësja e PD-së: E lumtur që këtë detyrë e mori mikesha ime…

Gjatë ditës së sotme mediat në Shqipëri, kanë publikuar fotot e zëdhënëses së re të Partisë Demokratike, Ina Zhupa, krah kryebashkiakut të Tiranës, Erion Veliaj në një panair libri. Nuk ka pasur ende një deklaratë nga Zhupa për këtë, por ka aludime se dikur ajo ka qenë ‘fanse’ e Veliajt…
Nga ana tjetër, ish-zëdhënësja e PD-së në një status në “Facebook” i ka uruar suksese pasardhëses së saj. Ja çfarë shkruan Oriela Nebijaj:
“Një ndër momentet më të bukura të karrierës sime, ishte kur në Kongresin e #PD mora detyrën e zëdhënëses. Për më shumë se 1 vit pata privilegjin dhe përgjegjësinë e madhe të ushtroja këtë detyrë. 2 muaj më parë dhashë dorëheqjen nga ky post pasi vendosa të isha pjesë e garës spektakolare për drejtimin e forumit rinor, një përvojë e jashtëzakonshme, shkollë e çmuar politike për mua. Të tjera sfida e përgjegjësi na presin në #PD. Kjo është një forcë e madhe politike me shumë kapacitete e profesionistë të spikatur. Jam e lumtur që detyrën e zëdhënëses e merr mikesha ime Ina Zhupa, një pedagoge e zonja që ndan vlerat e parimet për të cilat lufton #PartiaDemokratike”.