Aktori i Portokallisë, Rezart Veleshnja duket se ka gjetur dashurinë e jetës dhe ka vendosur më në fund të zbulojë se kush është S-ja për të cilën na bëri kurioz të gjithëve. Në një intervistë për gazetën “Panorama” aktori ka thënë se vajza që dashuron është mjeke dhe jeton në Gjermani prej shumë vitesh.
“Mund të them vetëm që e dashura ime jeton prej 20-vitesh në Gjermani, është me profesion mjeke dhe e them me bindje se e shoh si gruan e jetës, pra, do të jetë nusja ime”- ka thënë Rezi. Çifti ka kaluar disa ditë pushime në Gjermani, aty ku jeton e dashura e aktorit, për të kaluar pak më shumë kohë me njëri-tjetrin.
