Bella Hadid tregon sekretin e lëkurës së saj të shëndetshme

Fytyra e Bella Hadid është bërë imazh i shumë kompanive të njohura të botës së kozmetikës. Shpeshherë modelen e shohim të pozojë pa ‘makeup’ dhe fytyra e saj duket shumë e shëndetshme. Sigurisht që pas kësaj fytyre fshihen disa sekrete. Në një nga intervistat e saj Bella ka zbuluar sekretin e fytyrës së saj: “Nuk më pëlqen të përdor shumë ‘makeup’ sa për kremin pudër mundohem ta përdor sa më pak. Mundohem të mos i ndahem kurrë rutinës time, edhe kur jam duke udhëtuar nuk harroj asnjëherë të marr me vete serumet apo vajrat. Gjithashtu i dashuroj maskat, bëj maska shpesh, jam e fiksuar pas maskës së zezë. Madje ka raste kur e bëj që në mëngjes sidomos kur jam në ndonjë event”. Ajo tregon se fytyrën e ka në plan të parë, dhe se është e ëma e cila e kujton gjithmonë për këtë.