Prej vitesh Andresa Ambrosio shoqëron moderatorin Ardit Gjebrea çdo të dielë gjatë transmetimit të ‘Telebingo Shqiptare’. Me çiltërsinë dhe pozitivitetin që e karakterizon Andresa mori menjëherë vëmendjen e publikut shqiptar. Megjithatë në një intervistë për gazetën ‘Paloma’ ajo është shprehur se është një person që buzëqesh gjatë gjithë kohës edhe në ato raste kur brenda vetes nuk ndihet e lumtur, sepse përpara kamerave nuk duhet të marrë me vete problemet e saj. Gjithashtu ajo ka treguar se i pëlqen Shqipëria për sigurinë që ndiejnë femrat dhe fëmijët kur dalin të vetëm, për vlerat e familjes dhe cilësinë e ushqimit. Por bukuroshja e ‘E diela Shqiptare’ ka dhe një problem me shqiptarët, sepse sipas saj nuk kanë edukatën e të ecurit në rrugë, nuk respektojnë rregullat e qarkullimit. Gjithashtu Andresa ka treguar se tani përveç televizionit po i përkushtohet edhe profesionit të saj, fizioterapisë, edhe pse ajo thotë se në vendin tonë mungon kultura e fizioterapisë dhe ajo që merr në këmbim si vlerë monetare është shumë e ulët.
Andresa vjen me një rrëfim ndryshe: Ja çfarë më pëlqen tek shqiptarët dhe çfarë jo
