Ema Andrea i shkruan ‘letër’ të burgosurës

Ema Andrea, përmes një statusi në “Facebook” i ka shkruar sot një mesazh ‘Lules’, një ish-të burgosure, të cilën ajo vetëm një vit më parë e bëri pjesë të shfaqjes “Prag”.
“Lule, sot mundem të të thërras në emër, sot ti nuk je Vite, Muaj, Ditë, Orë…Kështu u quajte në Prag-un e ëndrrave që treguam bashkë në skenë. Ta uroj lirinë e dashur, edhe pse ka qenë në shpirtin tënd fisnik, në mençurinë tënde, në humorin e në forcën tënde. Unë kam njohur përulësinë njerëzore e dashurinë për jetën në një tjetër dimension… brenda një trupi pa liri… Në heshtjet dhe lotët e tu… Në buzëqeshjen tënde të malluar! Skena s’kish mbajtur kurrë aq vërtetësi njerëzore brenda vetes! Uroj që jeta jote të ketë ngjyrat që dëshiron ti!”, – përfundon Ema.