“Grammy Awards” është një nga eventet më të mëdhenj të muzikës në botë dhe çdo personazh që kalon në tapetin e kuq analizohet për çdo detaj. Revista e njohur “Allure” ka zgjedhur disa nga paraqitjet më të mira në “Grammy Awards” dhe në këtë listë ishte e përfshirë edhe këngëtarja me origjinë shqiptare Bebe Rexha. Këngëtarja shqiptare ia besoi pamjen e saj një shqiptari tjetër shumë të njohur, Mario Dedivanovic. Revista “Allure” ka shkruajtur se Bebe Rexha na ka dhënë një arsye më shumë për ta dashuruar ngjyrën rozë dhe të kuqe për grimin e syve. “Mario Dedivanovic i dha këngëtares një pamje të hijezuar dhe e kombinoi me tonalitetet dhe hijet më në trend. Këtë ‘look’ ai e shoqëroi me buzëkuq të tejdukshëm, qerpikë të zgjatur dhe mollëza të theksuara” ka shtuar revista.
