Personat që vuajnë nga migrena jo domosdoshmërisht duhet të mbajnë dietë. Por në qoftë se konstatoni se një ushqim i caktuar ju shkakton dhimbje koke mundohuni ta shmangni. Studimet kanë provuar se vetëm disa ushqime apo disa substanca në ushqime mund të shkaktojnë dhimbjen e kokës.
B.Lee Peterlin, udhëheqëse e kërkimeve për migrenën, rekomandon të bëhet një provë me ushqimet për të kuptuar kush mund të jetë shkaktar dhe kush jo i dhimbjes së kokës.
“Në qoftë se mendoni se një ushqim i caktuar ju shkakton dhimbje koke, eleminoheni për një përiudhë kohe. Në qoftë se filloni ta konsumoni sërish dhe dhimbja e kokës rikthehet atëhere ai është një nga shkaqet e migrenës”- shpjegon Peterlin.
Ja disa nga ushqimet që mund të shkaktojnë migrenën:
Alkooli –“Është një burim pothuajse i sigurt i dhimbjes së kokës” – thotë neurologu Stewart Tepper. Konsumimi i alkoolit shkakton dehidratim dhe si rrjedhojë edhe dhimbje koke.
Kafeina- është një prej shkaktarëve të dhimbjes së kokës. Edhe pse në sasi të vogla ajo mund të ndihmojë në kapërcimin e këtij shqetësimi. “Në qoftë se pini më shumë se dy filxhan kafe në ditë me shumë mundësi do të vuani nga dhimbja e kokës. Në këtë rast këshillohet të konsumohet e njëjta sasi rregullisht”- shpjegon Peterlin.
Substancat shtesë në ushqim- Substancat që i shtohen ushqimeve për t’u dhënë ngjyrë, shije apo për t’i mbajtur të freskëta mund të shkaktojnë dhimbjen e kokës.
Ushqime të tjera që shkaktojnë dhimbjen e kokës janë arrat kur i konsumojmë në sasi të mëdha, sallami, vaji, çokollata, avokado, kekët e gatshëm apo ëmbëlsira të tjera.
