Zbulohen detajet e koncertit recital të Elvana Gjatës

Ditën e sotme u përhap lajmi se këngëtarja Elvana Gjata feston ditëlindjen dhe për këtë gjë ka vendosur të mbajë një koncert recital. Sipas disa burimeve të ‘Anabel.al’ është mësuar se në koncertin e Elvanës do të jenë të ftuar vetëm 100 persona dhe do të jetë tërësisht privat. Nuk do të ketë asnjë media të pranishme dhe të ftuarve u është kërkuar që të mos fotografojnë apo mos të bëjnë asnjë video. E gjitha kjo vjen prej faktit, sepse Elvana nuk dëshiron që kjo shfaqe të ekspozohet në mediat sociale, në mënyrë që publikut t’i vijë e plotë ashtu siç është projektuar më parë. Gjithashtu në koncert do të promovohen të gjitha e këngët e një albumi të ri që Elvana do të sjellë në gjuhën shqipe dhe për herë të parë vjen edhe bashkëpunimi i Elvanës me kantautorin Pirro Çako.